Այսօր մեկնարկել է Չեմպիոնների լիգայի 3-րդ տուրը։ Արդեն ավարտվել է 2 հանդիպում։ D խմբի շրջանակներում Մադրիդի «Ատլետիկոն» դժվարին հաղթանակ տարավ «Բայերի» նկատմամբ։ Հանդիպման միակ գնդակը 78-րդ րոպեին հեղինակեց փոխարինման մտած Ալվարո Մորատան։ Այս հաղթանակից հետո «Ատլետիկոն» վաստակեց 7 միավոր և վստահորեն գլխավորում է խումբը, իսկ «Բայերը» վաստակած միավորներ դեռևս չունի։ C խմբի շրջանակներում էլ Դոնեցկի «Շախտյորը» Խարկովում ընդունել էր Զագրեբի «Դինամոյին»։ Խաղն անցավ բավականին լարված պայքարում և ավարտվեց 2։2 հաշվով։ Հանդիպման հաշիվը բացեց Եվգենի Կոնոպլյանկան՝ 16-րդ րոպեին եզրափակելով Մարլոսի փոխանցումը։ Այնուհետև երկու անգամ աչքի ընկան «Դինամոյի» խաղացողները․ աչքի ընկան Դանի Օլմոն և Միսլավ Օրշիչը՝ 25 և60-րդ րոպեներին համապատասխանաբար։ 75-րդ րոպեին «Շախտյորի» համար 1 միավոր բերեց Դոդոյի գնդակը։ Այս ոչ-ոքիից հետո երկու թիմերն էլ վաստակեցին 4-ական միավոր և կիսում են 2-3-րդ հորիզոնականները․ ավելի լավ փխած և բաց թողած գոլերի հարաբերակցությամբ «Դինամոն» 2-րդ հորիզոնականում է։ Աղբյուր՝ https://interfootball.am/%d5%a1%d5%bf%d5%ac%d5%a5%d5%bf%d5%ab%d5%af%d5%b8%d5%b5%d5%ab-%d5%b6%d5%be%d5%a1%d5%a6%d5%a1%d5%a3%d5%b8%d6%82%d5%b5%d5%b6-%d5%b0%d5%a1%d5%b7%d5%be%d5%b8%d5%be-%d5%b0%d5%a1%d5%b2%d5%a9%d5%a1%d5%b6/