Հայաստանի եւ ԵՄ-ի միջեւ վիզաների ազատականացման շուրջ երկխոսություն սկսելու հեռանկար կա: Այս մասին հայտարարել է Հայաստանում ԵՄ պատվիրակության ղեկավար, դեսպան Անդրեա Վիկտորինը: Նրա խոսքերով՝ Համապարփակ եւ ընդլայնված գործընկերության համաձայնագիրը նախատեսում է շարունակել նպաստել քաղաքացիների շարժունակությանը՝ վիզային ռեժիմի պարզեցման համաձայնագրի միջոցով: «Հայաստանը լուրջ աշխատանքներ է տանում ինչպես վիզաների պարզեցման համաձայնագրի, այնպես էլ հայրենադարձության մասին համաձայնագրի իրականացման շուրջ: Մենք բարձր ենք գնահատում այն փաստը, որ Երեւանը անդամ-պետությունների հետ երկկողմ հիմունքներով աշխատում է կարեւոր խնդիրները ազգային մակարդակում լուծելու համար, քանի որ երկխոսություն անհրաժեշտ է վարել բոլոր 27 անդամ-պետությունների հետ»,- պարզաբանել է նա: