ԱՄՆ-ի եւ Չինաստանի հարաբերությունները անդունդի եզրին էին մինչեւ COVID-19-ի ի հայտ գալը, սակայն համավարակը եւս դրանք հրեց դեպի այդ եզրը, գրում է Business Insider-ը։ Փորձագետները կարծում են, որ երկու համաշխարհային տերությունները «սառը պատերազմի» շեմին են, եւ դա կերկարաձգի համավարակը, ինչը կխորացնի տնտեսական կործանումը եւ կթուլացնի ընդհանուր սպառնալիքներին դիմակայելու աշխարհի ունակությունը: «Սառը պատերազմին» նմանությունը «կատարյալ չէ, սակայն կան տարրեր, այդ թվում՝ համակարգային մրցակցության աճը, ռազմական մրցակցության աճը եւ տնտեսական անպատժելիության վրա ճնշումը, որոնք այնքան էլ ակնհայտ չէին մի քանի տարի առաջ»,- կարծում է Միջազգային հարաբերությունների խորհրդում Ասիայի հարցերով տնօրեն Էլիզաբեթ Էկոնոմին: Իրականությունն այնպիսին է, որ ԱՄՆ-ի եւ Չինաստանի միջեւ լարվածությունը ներկայում զգալիորեն աճում է»,- ավելի վաղ այս ամիս CNBC-ին հայտարարել էր առեւտրի հարցերով Սպիտակ տան նախկին բանակցող Քլեթ Վիլեմսը: Չինաստանի եւ Միացյալ Նահանգների միջեւ հարաբերությունները փխրուն էին մինչեւ COVID-19-ի հայտնվելը: ««Սառը պատերազմը» կործանարար կլինի եւ կստիպի երկրներին ընտրել այս կամ այն կողմը»,- հավելել է նա: Ռազմավարական եւ միջազգային հետազոտությունների կենտրոնի «Չինաստանի էներգետիկան» նախագծի տնօրեն Բոննի Գլեյզերը նշել է, որ ԱՄՆ-ի եւ Չինաստանի միջեւ գոյություն ունեն մրցակցության տարրեր, որոնք «հիշեցնում են խորհրդա-ամերիկյան «սառը պատերազմը»»՝ հավելելով, որ կան նաեւ սկզբունքային տարբերություններ «առեւտրի եւ մարդկանց միջեւ փոխհարաբերությունների» տեսակետից: Չինաստանի հետ Ամերիկայի հարաբերությունները շատ կարեւոր են ապագա համավարակների, ինչպես նաեւ «մեր առջեւ կանգնած ազգային անվտանգության առավել կարեւոր խնդիրների» դեմ պայքարի համար, ներառյալ զանգվածային ոչնչացման զենքի տարածումը եւ կլիմայի փոփոխությունը,- ասում է Վիրջինիայի համալսարանի պատմաբան Մելվին Լեֆլերը: Նրա խոսքերով՝ ԱՄՆ-ի եւ Չինաստանի հարաբերությունների վատթարացման հետեւանքները «չարիք» են ինչպես իրենց, այնպես էլ ամբողջ աշխարհի համար: