ԱՄՆ նախագահ Դոնալդ Թրամփը հայտարարել է, որ Facebook-ին, Instagram-ին, Twitter-ին, եւ Google-ին «ամբողջովին ձախ արմատականներն են վերահսկում»՝ նշելով, որ վարչակազմը աշխատում է «այդ ապօրինի իրավիճակը շտկելու ուղղությամբ»։

Մեկնաբանելով պահպանողական բլոգեր Միշել Մալկինի ելույթի տեսանյութի այն հատվածը, որը քննադատվում է սպիտակ ազգայնական գործիչներին սատարելու համար, Թրամփը գրել է. «Ձախ արմատականները ամբողջովին վերահսկում են Facebook-ը, Instagram-ը, Twitter-ը եւ Google-ը։ Վարչակազմն աշխատում է այդ ապօրինի իրավիճակը շտկելու ուղղությամբ։ Մնացեք մեզ հետ եւ անուններ ու իրադարձություններ ուղարկեք: Շնորհակալություն, Միշել»:

Մալկինը հեռացվել է պահպանողական երիտասարդական «Երիտասարդ Ամերիկա» խմբի հիմնադրամից, այն բանից հետո, երբ հանդես է եկել սպիտակ ազգայնական Նիք Ֆուենթեսի պաշտպանությամբ, որը մեղադրվում էր Հոլոքոստի ժխտման համար: