ԱՄՆ նախագահ դոնալդ Թրամփը հայտարարել է, թե G7-ի «լիարժեք» գագաթաժողովը, որը միավորում է աշխարհի խոշորագույն տնտեսություններին, ամենայն հավանականությամբ, տեղի կունենա, հայտնում է AP-ը։ Նրա խոսքերով՝ հնարավոր է միջոցառումը կայանա Սպիտակ տանը, իսկ միջոցառման մի մասն էլ՝ Քեմփ Դեւիդի նախագահական նստավայրում։ Նա նշել է, որ գագաթաժողովի անցկացումը «գերազանց նշան կլիներ բոլորի համար», որ ամեն ինչ իր տեղն է ընկնում։ Թրամփը հայտնել է, որ այդ մասին պաշտոնական հայտարարությունը կարվի հաջորդ շաբաթվա սկզբին։