Ռեփեր Ջիգանը՝ Դենիս Ուստիմենկո, եւ Օքսանա Սամոյլովան վերջնականապես հաշտվել են ամուսնալուծության հետ կապված աղմուկից հետո եւ կրկին ներկայանում են որպես երջանիկ ընտանեկան զույգ։ Արտիստը նույնիսկ նվեր է գնել կնոջ համար՝ ադամանդներով զարդարված շքեղ թեւնոց։
Համացանցում հայտնել են, որ ռեփերը զարդը գնել է «Mercury» բուտիկում, ուր օրերս գնացել է իր օգնականի ուղկեցությամբ։ Ջիգանը Սամոյլովայի համար սպիտակ ոսկուց պատրասված թեւնոց է ընտրել։ Ոսկերչական այս հրաշքը մոտավորապես 90 հազար դոլար արժե, ինչը համեմատելի է Մոսկվայում մեկ սենյականոց բնակարանի գնի հետ։
Telegram-յան «Курятник» ալիքի հեղինակները նշում են, որ ոչ ոք չի կասկածում, որ զարդը նախատեսված է Օքսանայի համար եւ արտիստի համար հերթական միջոցը կլինի քավելու համար նախկին մեղքերը եւ հնարավոր է, նշելու հարաբերությունների վերականգնումը։
Ի դեպ, աստղային զույգն այժմ կարող է իրեն ավելի թանկ գնումներ թույլ տալ. նրանք հիանալիորեն գումար են վաստակել սկանդալի շնորհիվ, որը բարձրացել է նրանց բաժանության շուրջ։ Ասում են՝ հատկապես շահել է Սամոյլովան, որի հետեւորդների քանակն էականորեն ավելացել է, ինչը նշանակում է, որ աճել է գովազդային հրապարակումների եւ մրցույթների արժեքը, որոնք աստղերն անցկացնում են սոցիալական ցանցերում՝ գումար հավաքելով մասնակիցներից։ Այդպիսի միայն մեկ միջոցառման ընթացքում Օքսանան ու ռեփերը մոտավորապես 22 մլն ռուբլի են վաստակել։
