Պատմաբան Ռուբեն Շուխյանը սոցկայքի իր էջում լուսանկար է հրապարակել՝ կից գրելով. «Քուրսիի շուրջ նստած հայ ընտանիք. արխիվային լուսանկար, Արևելյան Հայաստան, 19-րդ դարի վերջ: Քուրսին փայտե քառակուսի, ցածրադիր սեղան էր, որի վրա դրվում էր կարպետ կամ հաստ կտոր։ Լավաշ թխելու արարողությունը կամ կերակուր պատրաստելն ավարտելուց հետո ողջ ընտանիքը հավաքվում, նստում էր թոնրի շուրջ, ոտքերը կախ գցում ու քուրսին դնում վրան։ Այս ամենն ուղեկցվում էր և՛ սնունդ ընդունելով, և՛ հետաքրքիր զրույցներով ու ավանդություններով։ Հայտնի է, որ քուրսիի այս յուրօրինակ ծեսն ունեցել է նաև բուժիչ հատկություններ»: