Ֆուտբոլի Հայաստանի ազգային հավաքականի գլխավոր մարզիչ Խոակին Կապառոսը գոհ է տղաների՝ Հյուսիսային Մակեդոնիայի դեմ պարտված խաղից: «Կուզեի շնորհակալություն հայտնել իմ ֆուտբոլիստներին՝ այս խաղի համար։ Հեշտ չէ 4-րդ րոպեին գոլ բաց թողնել 11 մետրանոցից։ Արդյո՞ք դա 11 մետրանոց էր, թե ոչ՝ դուք դա ավելի լավ կիմանաք: Որպես մարզիչ՝ ես աշխատում եմ չքննարկել մրցավարական որոշումները: Կարևորն այն է, որ թիմը չհուսահատվեց և շարունակեց պայքարել մինչև վերջ... Մրցաշարը նոր է մեկնարկել, կարծում եմ՝ դեռ կկարողանանք հաջող հանդես գալ»,- ասաց նա:
