Ադրբեջանի ղեկավար Իլհամ Ալիևը բացասաբար է գնահատում Լեռնային Ղարաբաղի հակամարտության կարգավորման բանակցությունների ներկա վիճակը: Այս մասին հայտնում է «ՏԱՍՍ» լրատվական գործակալությունը:
«Բացասական եմ գնահատում բանակցային գործընթացի ներկա վիճակը: Կարծում եմ, որ ադրբեջանցի ժողովուրդը լիովին համաձայն է ինձ հետ: Բանակցություններն իրականում չեն ընթանում»,- տեղական հեռուստաընկերություններին տված հարցազրույցի ժամանակ ասել է Ալիևը:
Նա հայտնել է, որ իր երկիրը «իմիտացիայի համար չի մասնակցի խորհրդակցություններին», սակայն դա չի նշանակում, որ իրենք հրաժարվում են բանակցություններից:
Ադրբեջանի նախագահն ասել է՝ «Հայաստանի ղեկավարությունը փաստացի խախտել է բանակցային գործընթացը, քանի որ նրանց անհեթեթ հայտարարությունները, սադրիչ քայլերը անիմաստ են դարձնում բանակցությունները»:
