Երևանի ընդհանուր իրավասության դատարանում՝ նախագահությամբ դատավոր Մնացական Մարտիրոսյանի, «Բարգավաճ Հայաստան» կուսակցության ղեկավար Գագիկ Ծառուկյանին կալանավորելու վերաբերյալ ԱԱԾ քննիչի միջնորդության քննությունն ընդմիջվեց։ Գ. Ծառուկյանը դուրս եկավ դատարանից՝ չպատասխանելով լրագրողների հարցերին: Միայն ասաց՝ «Կառավարության 100 տոկոսի հրաժարականն եմ պահանջում»: «Որոշում դեռևս չի կայացվել»,- ասաց պաշտպաններից Երեմ Սարգսյանը: Նա տեղեկացրեց, որ ինքնաբացարկ են հայտնել դատավոր Մնացական Մարտիրոսյանին: «Դատարանը գնացել է խորհրդակցական սենյակ՝ այդ միջնորդության վերաբերյալ որոշում կայացնելու, որը կհրապարակվի 13:30-ին»: