Թուրքիայի նախագահ Ռեջեփ Թայիփ Էրդողանի ելույթում չկա Անկարայի կողմից սիրիացի գրոհայիններին Լեռնային Ղարաբաղ ուղարկելու հերքումը։ Այս մասին հայտարարել է ռուս սենատոր Ալեքսեյ Պուշկովը։ «Էրդողանը հայտարարել է, որ «դա խնդիր չէ», բայց հարկ չի համարել, կամ հնարավոր՝ հանդես գալ հստակ հերքմամբ»,-գրել է նա Twitter-ի իր էջում: Պուշկովի խոսքով՝ խնդիր կա, և Մոսկվան այդ կապակցությամբ հայտարարություն է տարածել։ Ավելի վաղ թուրքական հեռուստաընկերությունների եթերում Էրդողանը հայտարարել էր, որ Թուրքիային հարկավոր չէ գրոհայիններ ուղարկել հակամարտության գոտի: