Ուրբաթ գիշեր Թբիլիսիի հյուսիսում ժայռի մի մասը փլուզվել է, մոտակա տասը հարկանի շենքի բնակիչները տարհանվել են երկրորդ սողանքի սպառնալիքի պատճառով, հաղորդում է «ՌԻԱ Նովոստի»-ն:
Անցած գիշեր Թբիլիսիի Սաբուրթալո շրջանում ժայռի մի մասը փլուզվել է: Հարակից տարածքում գտնվող տասնհարկանի շենքի բնակիչները ստիպված են եղել գիշերել հյուրանոցում:
Ինչպես հայտնում է Թբիլիսիի քաղաքապետարանը, մասնագետները կուսումնասիրեն Լորտկիպանիձե փողոցի ժայռը, որից հետո կսկսվեն ամրացման աշխատանքները: Ժայռի փլուզումը տեղի է ունեցել շինարարական աշխատանքների պատճառով, այժմ դրանք ամբողջությամբ դադարեցվել են:
